Нийслэлийн мэргэжлийн хяналтын газар, Нийслэлийн агаарын бохирдолтой тэмцэх газар болон “Таван толгой түлш” ХХК-иас угаарын хийн хордлогын эрсдэлээс урьдчилан сэргийлэх аяны дүгнэлтийг танилцууллаа.
Дүгнэлтээр угаартсан гэх ихэнх айлууд яндангийнхаа хаалтыг хаасан байжээ.
“Сайжруулсан шахмал түлш түлж байгаа бол яндангийн хаалтыг хэзээ ч хааж болохгүй.
Зарим боломжийн айлууд яндангаа өөрсдөө хөөлөхийн оронд бидэнд дуудлага өгдөг. Янданг нь хөөлж өгөхгүй болохоор угаартсан гэх худал дуудлага өгдөг.
Түргэн тусламж дуудаад ирэхгүй болохоор нь угаартсан гэх дуудлага өгдөг.
2020-2021 онуудад угаарын улмаас 28 нас баралт бүртгэгдсэн гэх тоо байдаг ч нас баралт болгон угаар байгаагүй. Зарим нь гал түймрийн улмаас хохирсон.
Одоогоор долоо хоногийн 6 шуудай нүүрс хангалттай хүрч байна. Гэр, байшингийн дулаалга дутуу айлуудад хүрэхгүй байж магадгүй” гэж холбогдох албаныхан мэдээллээ.
+ There are no comments
Add yours