Чанарын шаардлага хангахгүй 25 тонн тахианы махыг устгалд оруулжээ

Замын-Үүд сумын Засаг даргын дэргэдэх захиргааны зөвлөлийн хурлын шийдвэрээр чанарын шаардлага хангахгүй болсон 25 тонн махыг устгажээ.

Тодруулбал тээвэрлэлтийн горим алдагдаж хөргүүр нь эвдэрч ажиллагаагүй болсны улмаас муудсан 25 тонн тахианы махыг шинжилгээнд хамруулж, чанарын шаардлага хангахгүй учраас устгах шийдвэрийг уг зөвлөлөөс гаргасан байна.
Устгалын ажлыг 2021 оны 09 дүгээр сарын 08-ны өдөр Засаг даргын дэргэдэх захиргааны зөвлөлийн устгалын комисс, Замын-Үүд боомт дахь Хилийн мэргэжлийн хяналтын алба хамтран сумын хогийн цэг дээр явуулжээ.