Л.Энх-Амгалан: Сургууль, цэцэрлэгийн захиралаар тавих шалгууруудыг хуульчилж өгч байгаа

Боловсрол, шинжлэх ухааны сайд Л.Энх-Амгалан дараах мэдээллийг өглөө.

Тэрээр “Бид нарын боловсролын хуулийн бас нэг гол үндсэн зарчим нь боловсролын удирдлагын тогтолцоог аль болох оновчтой улс төрөөс аль болох хараат бус, мэрит зарчимд тулгуурласан тогтолцоонд шилжүүлье гэж байгаа.

ЕБС, СӨБ-д 2012- 2019 онд нийт 783 захирал шинээр томилогдсон нь жилд 112 сургуулийн захирал солигддог гэсэн үг. 2012 – 2016 онд 507 эрхлэгч, захирал солигдсон. 2016-2019 oнд 276 захирал, эрхлэгч солигдсон. Нийт шинээр томилогдож байгаа захирлын 32 хувь буюу 3 захирлын 1 нь 5 хүрэхгүй жил боловсролын салбарт ажилласан, ажиллаагүй нь мэдэгдэхгүй ийм хүмүүс сургууль цэцэрлэгийн эрхлэгчээр очдог.

Ингээд 10, 5 жил ажиллахаараа тухайн сургууль цэцэрлэгийнхээ эзэн болчихдог ийм тогтолцоо Монгол Улсад байна. Тийм учраас цаашдаа бид сургууль, цэцэрлэгийн удирдах ажилтнуудад тавих шалгууруудыг хуульчилж өгч байгаа.

Хэдэн жил ажилласан байх ёстой, боловсролын арга зүй, бакалавр, магистрын зэрэглэл ямар байх ёстой гэх мэтчилэн нэлээн тогтвортой байх улс төрөөс ангид байх оновчтой байх засаглалын тогтолцоонуудыг хуулиараа хийж өгч байгаа” гэлээ.