Хоёр өөр үйлдвэрийн вакциныг нэг, хоёрдугаар тундаа хольж тарьснаар Ковид-19 өвчнөөс илүү найдвартай хамгаалж байна гэсэн дүгнэлтэд Их Британийн эрдэмтэд хүрчээ.
Оксфордын их сургуулийн Ковидын вакцины Com-Cov судалгаанд 50-иас дээш насны сайн дурын 850 хүн оролцож, хоёр өөр вакциныг дөрвөн долоо хоногийн зайтай хийлгэсэн байна. Судлаачид АстраЗенека болон Файзер вакцины холимог нь хоёр тун АстраЗенека вакцинаас харьцангуй их эсрэгбие үүсэхэд нөлөөллөө гэжээ. Тиймээс хоёр өөр вакцин хольж хэрэглэх нь вакцинжуулалтын хөтөлбөрийг хөнгөвчлөхөд тусална гэж үзсэн байна.
Мөн АстраЗенекагийн хоёр тун тариулсан хүнд гурав дахь тунд нь өөр вакцин хийснээр дархлааны хариу урвалыг илүү хүчтэй болгоход тусална гэжээ. Гэвч гурав дахь тун вакциныг энэ ондоо багтааж хийх шаардлагатай эсэхийг одоо ярих эрт байгаа гэнэ. Учир нь дархлаа хэдий хугацаанд суларч буурдаг тухай мэдээлэл хомс байна гэв.
Одоогоор Испани, Герман зэрэг улсууд вакцинаа хольж тарьж эхлээд байна. Гэвч эрдэмтэд энэхүү судалгааны үр дүн нэг төрлийн вакцинаар вакцинжуулж буй үйл явцад итгэх итгэлийг бүү хөсөрдүүлээсэй гэж бодож буйгаа онцлон хэлсэн байна.
Эх сурвалж: ВВС
+ There are no comments
Add yours