Д.Энхбат: Монголчууд шинэ мөрөөдөл, шинэ замаар явахыг хүсэж байгаа гэдэгт гүнээ итгэж байна

Зөв хүн электорат эвсэлээс Монгол Улсын ерөнхийлөгчийн сонгуульд нэр дэвшигч Д.Энхбат Сонгуулийн ерөнхий хорооноос үнэмлэхээ гардан авлаа. Ийнхүү сонгуулийн сурталчилгаа албан ёсоор эхэлж байгаа юм.

Д.Энхбат: Шинэ үедээ, мэдлэг чадвар, технологи, 21-р зууны шинэ Монголыг байгуулна гэж итгэж ажиллах ёстой боллоо. Монголын төрийн гурван салаа мөчрийнхөө уялдааг хангаж, Монголын төрийн гадаад тулгуур бодлогыг залгуулан Монголын ард түмнийхээ төлөө зүтгэхээр бид сэтгэл шулуудаад байна. Сонгуульдаа шударга, нээлттэй, аль болох олон хүнд хүрч ажиллахыг хичээнэ. Монголчууд шинэ мөрөөдөл, шинэ замаар явахыг хүсэж байгаа гэдэгт гүнээ итгэж байна.

Хэрвээ би ерөнхийлөгчөөр сонгогдвол бид нам, нас, хүйс үл харгалзан Монголын хамгийн чадалтай, туршилгатай хүмүүсийг оролцуулсан, нэг намын бус шинэ багийг байгуулан ажиллах болно. Энэ баг маань нэг намын бус Монголын баг байх болно. Монголын малчид, Монголын залуус чадна, Монголын инженерүүд чадна гэсэн уриатай оролцож байна. Бидний зорилт бол нэг намын төлөө биш нийт олныхоо төлөө байгаа. Бид хичээх болно, зүтгэх болно” гэлээ.