“Эрдэнэт үйлдвэр” ТӨҮГ-ын Худалдан авалт, хангамжийн хэлтсийн орлогч дарга Ж.Ганзоригийг, менежер н.Марал-Эрдэнийн хамт АТГ-ын Мөрдөн шалгах хэлтсийнхэн өнгөрсөн лхагва гарагт саатуулан хойшлуулшгүй ажиллагааны хүрээнд 48 цаг цагдан хорьсон. Тэднийг Эрүүгийн хуулийн 22.1-2 дахь хэсэгт заасан “нийтийн албан тушаалтан эрх мэдлээ урвуулж их хэмжээний хохирол учруулсан” гэх үндэслэлээр яллагдагчаар татаад буй гэнэ. Уг хоёр хүнийг Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль зөрчиж, бусдад давуу байдал олгон урьдчилан үгсэн тохиролцож сонгон шалгаруулалт явуулдаг байсан хэмээн буруутгаж байгаа юм.
Тэгвэл Ж.Ганзориг, н.Марал-Эрдэнэ нарыг үргэлжлүүлэн хорих, эсэхийг шийдвэрлэх шүүх хурал өнөөдөр Орхон аймаг дахь Сум дундын эрүүгийн хэргийн анхан шатны шүүхэд 14.00 цагт боллоо. Уг нь мөрдөн шалгах болон прокурорын байгууллагаас дээрх хүмүүсийг яллагдагчаар тооцон 30 хоног цагдан хорих санал шүүхэд хүргүүлсэн юм байна. Харин шүүх захирамж гаргахдаа Монгол Улсын болон Орхон аймгийн нутаг дэвсгэрээс гарахыг хориглосон хязгаарлалт тогтоон суллав. Энэ нь ойлгомжгүй, тодорхойгүй шийдвэр гэхэд хилсдэхгүй. Яагаад гэвэл АТГ Улаанбаатар хотод оршиж, улсын хэмжээний авлига албан тушаалын гэмт хэргийг мөрдөн шалгадаг. Гэтэл хэрэгт холбогдсон хүмүүс дуудсан цагт АТГ-ын Мөрдөн шалгах хэлтэст очих ёстой гэж баталгаа өгсөн атал Орхон аймгийн нутаг дэвсгэрээс гарахыг хязгаарласан нь ойлгомжгүй байгаа юм.
Зарим эх сурвалжийн үзэж буйгаар шийдвэр гаргасан Орхон аймаг дахь Сум дундын эрүүгийн хэргийн анхан шатны шүүхийнхэнд ашиг сонирхлын зөрчил байх магадлал өндөртэй. Учир нь шүүгч, шүүхийн ажилтнуудын нэлээд хэсгийнх нь гэр бүл, ах дүү, төрөл төрөгсөд “Эрдэнэт үйлдвэр”-т ажилладаг аж. Уг нь Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 3.1.3-т “Ашиг сонирхлын зөрчил” гэж нийтийн албан тушаалтан албаны бүрэн эрхээ хэрэгжүүлэх үед түүний хувийн ашиг сонирхол нийтийн ашиг сонирхолтой зөрчилдөх болон албан үүргээ тэгш, шударгаар хэрэгжүүлэхэд харшаар нөлөөлж болохуйц нөхцөл байдлыг”, 3.1.11-т “Ашиг сонирхлын зөрчилтэй гэж ойлгогдохуйц нөхцөл байдал” гэж тухайн нийтийн албан тушаалтан өөрийн нэг ангид сурч байсан болон сурч байгаа этгээд, мөн гишүүнчлэлд нь хамаардаг холбоо, сан, хамтын шийдвэр гаргадаг байгууллага, тэдгээрийн гишүүд, нэг нутгийн хүн гэх зэрэг олон нийтийн зүгээс ашиг сонирхлын зөрчилтэй гэж ойлгохуйц этгээдтэй холбоотой асуудлаар үйл ажиллагаа явуулахыг” ойлгохоор хуульчилсан. Үүнээс үзэхэд дээрх шүүхийнхэнд ашиг сонирхлын зөрчил байж болзошгүй гэх хардлага төрж буй юм.
Эх сурвалж: Сэтгүүлч Г.Цолмон /өнөөдөр сонин/
More Stories
Малайзын мафиас айгаад Монгол хүний амь нас өнчин ишигнээс ч үнэ цэнэгүй болох ёсгүй
2006 онд Малайз улсад Монгол Улсын иргэн Ш.Алтантуяагийн амь насыг онц хэрцгийгээр хөнөөсөн аймшигт хэрэг гарснаас хойш даруй 20 жил...
Nividia компани болон түүний гүйцэтгэх захирал Женсен Хуаныг хувьцаа эзэмшигчид нь шүүхэд өглөө
Мягмар гарагт дэлхийн технологийн салбарын томоохон зүтгэлтэн Женсен Хуан бас нэг шинэ асуудалтай тулгарлаа. Түүнийг болон түүний удирддаг Nvidia компанийг...
16 настай охины амийг хөнөөсөн Ц.Давгадорж нарт холбогдох хэргийн хяналтын шатны шүүх хуралдаан энэ сарын 29-нд болно
Улсын дээд шүүхийн хяналтын шатны эрүүгийн хэргийн 2026 оны аравдугаар сарын 29-ний өдрийн шүүх хуралдаанаар Ц.Давгадорж, Э.Ган-Эрдэнэ, Э.Номин-Эрдэнэ, Х.Энхсайхан нарт...
ХОТЫН ДАРГА АСАН Х.НЯМБААТАР ТУУЛЫН ХУРДНЫ ЗАМЫН ТӨСЛИЙН ХҮРЭЭНД “SHONGFU CONSTRUCTION ENGINEERING” КОМПАНИАС ИХ ХЭМЖЭЭНИЙ АВИЛГА АВЧ БАЙЖЭЭ
Хотын дарга асан Х.Нямбаатар нь Олон улсын хоригт орсон хятадын компанийг Туулын хурдны замын төсөлд оруулж их хэмжээний авилгалын мөнгийг...
Ерөнхийлөгч У.Хүрэлсүхэд Саксони муж улсын Ландтагийн Ерөнхийлөгч бараалхлаа
Монгол Улсын Ерөнхийлөгч Ухнаагийн Хүрэлсүхийн Холбооны Бүгд Найрамдах Герман Улсад хийж буй төрийн айлчлалын хүрээнд Саксони муж улсад хэрэгжүүлж буй...
Улс төрийн шинэчлэлийг өөрөөсөө, өөрийн намаас эхлүүлнэ
Нэг Монгол хөдөлгөөн, Реформ клубыг төлөөлөн Г.Занданшатар өнөөдөр Монгол Ардын Намын дарга Н.Учралд намын шинэчлэлийг бодит ажил хэрэг болгох, иргэдийн...
