170 хүнээс коронавирус илэрлээ

Эрүүл мэндийн яамнаас шинэ коронавирусийн халдварын өнгөрсөн 24 цагийн нөхцөл байдлын мэдээллийг хүргэж байна.

ХӨСҮТ-ийн дэд захирал Э.Тэмүүлэн: 18 лабораторид 9520 хүнд шинжилгээ хийснээс 170 хүнд шинэ коронавирусийн халдвар илэрлээ. Ингэснээр манай улсад бүртгэгдсэн халдварын тоо 4976 боллоо. 24 цагийн байдлаар 126 эмчлэгдэн эмнэлгээс гарч нийт эдгэрсэн хүний тоо 3477 болоод байна. Шинээр бүртгэгдсэн 170 халдварын 160 нь ойрын хавьтал бол 10-ынх нь голомтыг тогтоохоор тандалт судалгааг хийж байна.