Автобус, суудлын машин мөргөлдсөний улмаас хоёр хүн нас баржээ

Говь-Алтай аймгийн Шарга сумын төвөөс зүүн хойд зүгт хот хоорондын том оврын машин, суудлын машин мөргөлдсөний улмаас хоёр хүн газар дээрээ нас барж, 11 хүн хүнд гэмтжээ. Энэхүү осол өнгөрсөн шөнө болжээ. Энэ тухай дуудлагыг онцгой байдлын алба, 2021.02.24-ний 01:55 минутанд хүлээн авч дуудлагын дагуу 105 км замыг туулан очжээ.

Ослын улмаас Баян-Өлгий аймгийн харьяат 29 настай эрэгтэй, Ховд аймгийн харьяат 56 настай эмэгтэй нар автомашины төмөр хийцэд хавчуулагдан нас барсан байсныг цагдаагийн байгууллагад, бэртсэн 11 хүний эмнэлгийн байгууллагад хүлээлгэн өгчээ.