Телевизийн цуврал үзэнгээ Англи хэлээ сайжруулах зөвлөгөөг эхлээд хүргэе.
- Үзэх гэж байгаа цувралаа судлах – Шинээр цуврал үзэж байхдаа ойлгохгүй байхвий гэж эмээж байвал үзэхээсээ өмнө судлаад үзээрэй. Цувралын тухай товч тоймыг нь эхлээд уншвал сэдэв, агуулгын тухай тодорхой ойлголттой болно.
- Эхний удаад хадмалгүй үзэх гэж хичээх – Мэдээж хадмалаа хараад киногоо үзвэл ойлгомжтой, үгийг нь дараа нь эргэж санахад амархан боловч хадмалд л найдаад хараад байх нь сонсох чадвар өөрөө хурдан сайжрах хугацааг удаашруулдаг сул талтай.
- Сонсож чадаагүй хэсэг рүүгээ буцах – Унаган Англи хэлтэй хүмүүс ч зарим нэг харилцан яриаг ойлгохгүй өнгөрөөх тохиолдол олон байдаг. Тэгэхээр та ч гэсэн анхаарлаа төвлөрүүлж амжаагүй, юу болоод байгааг ойлгоогүй бол тэр хэсгээ буцаагаад дахин дахин давтан сонсоорой.
- Тэмдэглэл хийх – Англи хэл дээр тв цуврал үзэж байхад анги болгон дээр шинэ үг хэллэг, шинэ дүрэм гарч ирдэг. Та бүгдийг нь ганц хараад л тогтоочихгүй болохоор цээжлэхийг хүссэн үг хэллэгээ тусдаа цаасан дээр тэмдэглэж аваад үзвэл үр дүнтэй.
Англи хэл сурч байхдаа үзвэл зохих Америкийн шилдэг телевизийн цувралууд
1. Friends
2. The Office
3. Modern Family
4. Breaking Bad
5. Glee
Англи хэл сурч байхдаа үзэх Британи телевизийн цувралууд
1. The Crown
2. Peep Show
3. Chewing Gum
4. Black Mirror
5. Fleabag
