Японд дахин газар хөдөлжээ

Японы Фукушимад өчигдөр дахин газар хөдөлжээ. Газар хөдлөлт 5.2 магнитудын хүчтэй байсан бөгөөд төв нь далайн усан доор, 50 км-ийн гүнд байсан, цунамигийн аюул байхгүй гэж Японы газар судлалын агентлаг мэдэгдсэн байна. Энэ удаагийн хөдлөлт Фукушима, Мияги мужийн хүн ам шигүү суурьшсан хэсэгт дөрөв орчим баллын хүчтэй мэдрэгдсэн аж.

Фукушима мужид уржигдар 7.1 магнитудын хүчтэй газар хөдлөлт болж 950 мянган барилга байшин цахилгаангүй бол 100 000 хүн ямар нэг байдлаар хохирсон гэсэн дүн гарсан билээ.

Фукушима муж бол газар хөдлөлийн маш идэвхтэй бүс юм. Тус мужид 2011 онд газар есөн магнитудын хүчтэй хөдөлж байв.