А.Мэнд-Орших: Тендер дагадаг компаниудыг болиулах хэрэгтэй. Насаараа тендер хийлээ. Хөгжиж байгаа юм алга

Монгол Улсын Ерөнхий сайд Л.Оюун-Эрдэнэ харилцаа холбоо, мэдээллийн технологийн салбарынхантай уулзлаа. Уулзалтад ирсэн компаниудын төлөөллүүд салбарын асуудал, ирээдүйн шийдлүүдийн тухай ярилцсан бөгөөд Erxes Inc-ийг үүсгэн байгуулагч А.Мэнд-Орших ерөнхий сайдад хандаж “Манай улс өнөөдөр мөрөөдөл байхгүй. Гадагшаа гарсан олон улсын компаний жишиг байхгүй. Өнөөдөр бидэнд мөрөөдөл байж, Цахируын хөндийд хоёр, гурван компани тамгалж байж залуучуудад мөрөөдөл үүсэж, одоо яригдаад байгаа цахим засаглал гэдэг гоё юмнууд чинь өөрөө байгалийнхаа хуулиар бүрддэг.”

“Бид нар энэ тендерт орохгүй. Тендер дагадаг компаниудыг болиулах хэрэгтэй. Насаараа тендер хийлээ. Хөгжиж байгаа юм алга. Энэ тэндерийг аваад хүнд хэрэгтэй, улс орныг төлөөлөөд гадаад зах зээлд явж байгаа компани байвал сайшаая. Гэтэл үнэхээр тэгэж чадаж байгаа юм байхгүй. Миний яриад байгаа Монгол мөрөөдлийн хамгийн том гай тотгор нь засаг, дарга яамдууд байгаа шүү дээ. Энийг яаж шийдэх вэ?” хэмээв.