ЭМЯ: 13 хүнээс коронавирус илэрч, батлагдсан тохиолдол 1,469 боллоо

Эрүүл мэндийн яам  короновирусын талаар цаг үеийн мэдээлэл өгч  байна. ХӨСҮТ-ийн тандалт, судалгааны албаны дарга А.Амбасэлмаа: Сүүлийн 24 цагийн хугацаанд 16975 хүнд псиар шинжилгээ хийсэн. Үүнээс 13 хүний шинжилгээнээс коронавирус илэрсэн.  13 тохиолдол бол УБ хотод бүртгэгдсэн.  Энэ 13 тохиолдол  “Ачтан” эмнэлгийн голомттой холбоотой. Ачтан эмнэлгийн тусгаарлалтанд байсан нэг эмчээс илэрсэн. Баянгол дүүргийн 4 хорооны батлагдсан тохиолдлын хавьталын 3 гэр бүлийн 7 хүн байна. Хөрш нэг хүн. Баянзүрх дүүргийн 17 хорооны батлагдсан тохиолдлын гэр бүл хөрш, 4 хүнээс илэрсэн. Улаанбаатар хотод нийтдээ кластир өвчлөлийн голомт нь 643 болсон байна.  Бусад аймгаас халдвар бүртгэгдээгүй.  Улсын хэмжээнд  дотоодын халдвар 969 тохиолдол бүртгэгдсэн байна” гэлээ.