Хилийн авто замын боомтын хөдөлгөөнийг түр хязгаарласан хугацааг сунгалаа

Хилийн авто замын боомтоор зорчигч тээврийн хөдөлгөөнийг түр хязгаарласан хугацааг ирэх оны 3 дугаар сарын 31-ний өдөр хүртэл сунгав
Засгийн газраас шийдвэрээ танилцуулж байна.

“Засгийн газрын 34 тогтоолоор хилийн авто замын боомтоор зорчигч тээврийн хөдөлгөөнийг 2020 оны нэгдүгээр сарын 28-наас түр хязгаарласан. Үндсэндээ жил орчим боллоо. Энэ хугацааг 2021 оны гуравдугаар сарын 31-ний өдөр хүртэл сунгалаа.

Гэхдээ ачаа тээвэр хэвийн үргэлжилнэ. Тусгай үүргийн нислэг үйлдэгдэнэ” гэдгийг Шадар сайд Я.Содбаатар хэллээ.