Халдварт өвчин судлалын үндэсний төв (ХӨСҮТ)-ийн Вирус судлалын лаборатори, Дархан-Уул аймгийн вирус судлалын салбар лабораторид өчигдөр нийт 956 сорьцод шинжилгээ хийхэд хоёр хүнээс коронавирус илэрлээ гэж Эрүүл мэндийн яамнаас мэдээлэв.
Ингэснээр Монгол Улсад Covid-19 халдварын нийт батлагдсан тохиолдол 326 бүртгэгдээд байна. Халдвар авсан иргэдээс 312 нь эдгээд байгаа юм.
ХӨСҮТ-д өнөөдрийн байдлаар эмчлүүлж буй таван хүний бие хүндэвтэр бол есөн хүний бие хөнгөн байна.
