Япон улс коронавирусын вакциныг туршихаар бэлтгэж байна

Осака мужийн захирагч Ёшимүра Хирофүмигийн мэдээлснээр, эмнэлзүйн туршилтын эхний үе шатанд эмнэлгийн 20-30 ажилтан оролцох ажээ. Мөн тэрбээр коронавирустэй тэмцэхэд эм, вакциныг гарган авахын ач холбогдлыг онцлоод, Японы мужуудаас Осакад анхны туршилтыг хийх гэж буйг тэмдэглэсэн байна.

Уг вакциныг аюулгүй болохыг тогтоосон тохиолдолд мужийн засаг захиргаа туршилтын хамрах хүрээг 10 дугаар сараас өргөжүүлж, олон зуун хүнийг оролцуулахыг эрмэлзэж байгаа ажээ. Мөн энэ оны эцэс гэхэд 200 мянган тунг үйлдвэрлэж, ирэх онд удирдах байгууллагаас зөвшөөрөл авахаар төлөвлөжээ.