Монгол Улсын Засгийн газар, Улсын онцгой комисс, БСШУСЯ-наас ирүүлсэн зөвлөмжийн дагуу МУИС 75 дахь хичээлийн жилийнхээ төгсөлтийн баярыг зохион байгуулахгүйгээр төгсөгчдийн диплом, энгэрийн тэмдгийг баталгаат шуудангаар хүргүүлж эхэлжээ.

Коронавируст халдвараас урьдчилан сэргийлэх арга хэмжээний хүрээнд их, дээд сургуулиудын хичээлийг цахим хэлбэрт шилжүүлсэн. Иймд МУИС-ийн танхимын хичээл цахим хэлбэрт шилжиж, энэ хичээлийн жилийн төгсөгчид анхны “цахим төгсөгчид” болж байна.

Энэ хичээлийн жилийн хаврын улиралд МУИС-ийг бакалаврын зэрэгтэй 1821, магистр 270, доктор 10, нийт 2101 суралцагч төгсжээ. Үүнээс Бүгд Найрамдах Ардчилсан Лаос Ард Улсын дөрөв, БНАСАУ, БНСУ, ОХУ, ХБНГУ-ын тус бүр нэг суралцагч, БНХАУ-ын 24, нийт 32 гадаадын иргэн байна.

Leave a Reply

Your email address will not be published. Required fields are marked *

Previous post ДЭМБ: Олон нийтийн дунд явж байгаа үедээ заавал амны хаалт зүүх хэрэгтэй
Next post Залгамж чанарыг өвлөсөн залуу уурхайчин

More Stories