Ресторан пабын ажиллах цагийг 00:00 цаг болгон сунгалаа

Шинэ коронавирусын халдвараас урьдчилсан сэргийлэх зорилгоор нэгдүгээр сараас эхлэн Улсын онцгой комисс болон Нийслэлийн Онцгой комиссоос шийдвэр гаргасны дагуу ресторан пабын ажиллах цагийг 22:00 цаг болгосон. Үүнд мөн архи, согтууруулах ундаа худалдах зөвшөөрөлтэй хүнсний дэлгүүрүүдийн ажиллах хуваарийг ч хамааруулсан байв. Уг шийдвэрийн хэрэгжих хугацаа дөрөвдүгээр сарын 30 буюу өчигдрөөр дуусгавар болсон. Тэгвэл Нийслэлийн Засаг даргын өчигдөр гаргасан захирамжаар архи согтууруулах ундаагаар үйлчилдэг байгууллагын үйл ажиллагаа явуулах цагийн хуваарийг 07:00-00:00 цаг болтол сунгахаар шийдвэрлэжээ.