СЕХ-ноос сонгуульд оролцох, нам эвслүүдэд батламж гардуулна

Сонгуулийн ерөнхий хороо УИХ-ын 2020 оны ээлжит сонгуульд оролцох хүсэлтээ ирүүлсэн нам, эвслүүдийг бүртгэсэн. УИХ-ын сонгуульд оролцохоор 15 нам, дөрвөн эвсэл материалаа ирүүлснийг нягтлан шалгаад хуульд заасан шаардлагыг хангасан гэж үзэн бүгдийг нь бүртгэсэн юм. Эдгээр нам, эвслүүдийг хоёр хэсэгт хуваан өнөөдөр болон маргааш батламжийг нь гардуулах юм. Батламж гардуулах ёслол 10.00-15.00 цагийн хороонд үргэлжлэх юм байна. Коронавирусийн халдвараас урьдчилан сэргийлэх зорилгоор нэг дор олон хүн цуглуулахыг хориглосон учраас ийнхүү нам, эвслүүдийг тус тусад нь хүлээн авч батламжийг нь гардуулахаар болжээ.