СOVID-19 халдварын цаг үеийн асуудлаар Эрүүл мэндийн яамнаас өнөөдөр ээлжит мэдээллээ хийж, энэ үеэр ХӨСҮТ-ийн ерөнхий захирал Д.Нямхүү шинжилгээний хариунуудыг зарлалаа.
Тэрбээр “Өчигдөр ХӨСҮТ-ийн хоёр лабораторид нийт 373 шинжилгээ хийгдлээ. Бүгдэд нь коронавирус илрээгүй. Үүнд ХӨСҮТ-д тусгаарлагдсан 194 хүний давтан, ажиглах байранд тусгаарлагдсан 164 хүний, тандалтын 15 хүний шинжилгээ тус тус орсон.
Сэлбэ, Ивээлэн, Баянхангай, Батсүмбэр, Баянбайгаль амралтад байсан 164 хүний тусгаарлалтын хугацаа дуусаж, хоёр удаа лабораторийн шинжилгээ хийгээд сөрөг/халдваргүй/ гарсан тул гэрийн ажиглалтад шилжүүлсэн.
2020 оны нэгдүгээр сарын 27-ноос өдийг хүртэл 1,124 хүнд тандалтын зорилгоор шинжилгээ хийсэн. Тандалтын тогтолцоо
Өнөөдрийн байдлаар ХӨСҮТ-д 243 хүн эмчилгээ хийлгэж байна.
Замын-Үүдээр орж ирсэн 58 хүнээс нэг сэжигтэй тохиолдлыг тусгаарлан, сорьцыг Улаанбаатар руу явуулсан. Эдгээр хүмүүсийг тэнд нь ажиглалтад авсан. Хятадын талаас шинжилгээ бүрэн хийгээд явуулсан байсан” гэсэн мэдээллийг өглөө.
+ There are no comments
Add yours