Автомашиныхаа дугуйг засаж байсан жолоочийг мөргөж, амь насыг хохироосон хэрэг гарчээ

Ноцтой зам тээврийн ослоос дурдвал:

•  2020.03.05-ны шөнийн 00 цаг 05 минутын орчимд Өмнөговь аймгийн Цагаан-Овоо сумын Замын шанд нэгдүгээр багийн нутаг “Өнчин зооны энгэр” гэх газар Улаанбаатар чиглэлийн авто замд Toyota Allion  маркийн П жолоочтой автомашины жолооч зам дээр түр зогсолт хийж машиныхаа дугуйг засаж байсан Mitsubishi Airtrek маркийн автомашиныг мөргөж, жолооч 49 настай, эрэгтэй Ц-гийн амь насыг хохироожээ.
• 2020.03.05-ны өдрийн 19 цаг 49 минутын орчимд Завхан аймгийн Улиастай сумын Жаргалантын 2 дугаар багийн нутаг дэвсгэрт асфальтан замд Hyundai Accent маркийн автомашин онхолдож, жолооч 41 настай, эмэгтэй Э-гийн амь нас хохирсон хэргүүдийг тус тус шалгаж байна.

Энэ долоо хоногт бүртгэгдсэн зам тээврийн осол өмнөх долоо хоногоос нийт дуудлага мэдээлэл 15.9 хувиар, бүртгэгдсэн зам тээврийн осол 10.2 хувиар, хүний амь нас хохирсон осол 75 хувиар тус тус буурсан бол ослын улмаас гэмтсэн хүний тоо 11.2 хувиар өссөн үзүүлэлттэй байна.

Эх сурвалж: ТЦА