“Ариг” банк нь Монголбанкны Ерөнхийлөгчийн тушаалаар өгөгдсөн үүрэг даалгаврыг биелүүлээгүй, хувь нийлүүлэгчдийн хооронд маргаан үүссэнээс хувьцаа эзэмшигчдийн хурлаар маргаантай асуудлаа шийдвэрлэж чадахгүй, төлөөлөн удирдах зөвлөл эрх зүйн чадамжгүй болсон тул зохистой засаглал алдагдсан гэнэ. Тиймээс Монголбанкны Ерөнхийлөгчийн тушаалаар харилцагч, хадгаламж эзэмшигчдийн хөрөнгийг хамгаалах үүднээс Банкны тухай хуульд заасны дагуу нөхцөлт удирдлагын арга хэмжээг хэрэгжүүлэхээр болсон байна.
“Ариг” банкны үйл ажиллагаа одоо хэвийн үргэлжилж байгааг Төв банк мэдээллээ. Өөрөөр хэлбэл, бүрэн эрхт төлөөлөгч нь “Ариг” банкны үйл ажиллагааг хүлээн авсан бөгөөд банк нэгдүгээр сарын 27-ны өдрөөс эхлэн үйл ажиллагаа хэвийн үргэлжилж байгаа аж.
+ There are no comments
Add yours