Цагдаагийн хурандаа 2 пэнтхаус, 30 ширхэг орон сууц барьж өгөхийг шаардаж, өгөхгүй гэхэд 320 сая төгрөг бэлнээр өгөхийг шаардсан тухай өнөөдөр сэтгүүлчдэд хандлаа. Цагдаагийн хурандаа 2 пэнтхаус, 30 ширхэг орон сууц өгөхийг шаардаж, өгөхгүй гэхэд нь 320 сая төгрөг бэлнээр өгөхийг шаардсан гэж “Иргэдийн шударга шүүх” ТББ, “Бавгар” ХХК-ийн удирдлагууд мэдэгдэв.
Өнгөрөгч 2015 онд ЦЕГ-ын захиалгатай 250 албан хаагчийн “Хууль сахиулах-1 хотхон” орон сууцны төслийн сонгон шалгаруулалтад “Бавгар групп” ХХК гүйцэтгэгчээр шалгарч, барилга угсралтын ажлыг эхлүүлжээ. Ингэхдээ захиалагч талыг төлөөлж ЦЕГ-аас томилогдсон ажлын хэсэг, “Бавгар групп” ХХК-ийн удирдлага хооронд байгуулагдсан ажил үүргийн гэрээний дагуу барилга угсралтын ажил явагдах ёстой. Гэрээ ёсоор орон сууцны захиалга өгсөн албан хаагчдын урьдчилгаа төлбөрийг ажлын хэсэг гүйцэтгэгч компанид шилжүүлснээр тус орон сууцны барилгын санхүүжилтийг хангах үүрэгтэй аж. Улмаар гүйцэтгэгч компани туслан гүйцэтгэгч компаниудтай гэрээ байгуулан ажиллаад, одоогийн байдлаар “Хуул сахиулах-1 хотхон”-ны А блокийн барилгыг 2019 оны хавар ашиглалтанд хүлээлгэн өгчээ. Удахгүй В блокийн барилгын ажлыг дүүргэж, сар шинийн өмнөхөн ашиглалтанд хүлээлгэж өгөхөөр ажлын гүйцэтгэл 95 хувьтай явж байсан ч гацаанд оржээ.
Тодруулбал ажлын хэсэг гэрээгээр хүлээсэн үүргээ барилгын санхүүжилтийг зогсоосон байна. Цаашлаад захиалагч талыг төлөөлөх эрх бүхий “Хууль сахиулах-1 хотхон”-ны ажлын хэсгийн ахлагч, цагдаагийн хурандаа Б. Цогтбаяр тэргүүтэй бүлэг этгээдүүд гүйцэтгэгч компанид санхүүгийн заналхийлэл тулгаснаар төрийн албан хаагчдын орон сууцны барилгын В, Г блокийн ажил ч зогсонги байдалд шилжжээ. Тус орон сууцны нэг мкв-ын үнийг 800 мянган төгрөг байхаар тооцжээ. Гэвч ажлын хэсгийн ахлагч, хурандаа Б. Цогтбаярын авилгажсан арга барилаас төрийн жирийн албан хаагчид хямд, чанартай орон сууцаар хангагдах боломж ийнхүү хаагдахад хүрсэн байна.
“Бавгар групп” ХХК-ийн удирдлагыг санхүүгийн дарамтанд оруулах, төслийн санхүүжилтийг гацаах, цагдаагийн албан хаагчдыг ташаа мэдээллээр төөрөгдүүлэх замаар төслийг зогсоох зэрэг барьцаалсан арга ажиллагааг хурандаа Б. Цогтбаяр удаа дараа явуулсаар иржээ. Угтаа нэр бүхий хурандаа нарын халаас, ходоодыг тэжээх үүргийг гүйцэтгэгч компани гэрээгээр хүлээгээгүй байна. Харин гэрээнд тусгагдаагүй тус албадлагыг хууль хэрэгжүүлэх үүрэг бүхий цагдаагийн хурандаа оройлон, гүйцэтгэгч компаниас өнөөдрийг хүртэл тулган шаардахдаа давхар Монгол улсын хуулийн этгээд болсны хувиар иргэн Х. Оюуны (Бавгар групп компанийн ерөнхий захирал) гэр бүлийг ч заналхийлэх болсон талаар дурьдлаа.
Төслийн урьдчилсан санхүүжилт хуулийн байгууллагын ёс зүйгүй албан тушаалтны хувийн ашиг сонирхлоос үүдэн гацсан нь худлаа биш. Үүний цаана цагдаагийн олон зуун албан хаагчдын ахуй амьдрал ч хохирч буй. Барилгын санхүүжилтэнд санаатайгаар саад болсны уршгаар “Бавгар групп” ХХК энэ төсөлд хамтран ажилласан туслан гүйцэтгэгч компаниудын өмнө нь их хэмжээний өр төлбөрт ороод байна. Тиймээс төслөөс ашиг хүртэхдээ бус эхлүүлсэн ажлаа хариуцлагатайгаар дуусгаж, гэрээгээр хүлээсэн үүргээ биелүүлэх боломжийг эрэлхийлэн хэвлэл мэдээллийн байгууллага, олон нийтэд хандах болжээ. Хурандаа Б. Цогтбаяр тэргүүтэй ажлын хэсгийг ч гэрээгээр хүлээсэн үүргээ биелүүлж ажиллахыг шаардаж байна.
More Stories
Малайзын мафиас айгаад Монгол хүний амь нас өнчин ишигнээс ч үнэ цэнэгүй болох ёсгүй
2006 онд Малайз улсад Монгол Улсын иргэн Ш.Алтантуяагийн амь насыг онц хэрцгийгээр хөнөөсөн аймшигт хэрэг гарснаас хойш даруй 20 жил...
Nividia компани болон түүний гүйцэтгэх захирал Женсен Хуаныг хувьцаа эзэмшигчид нь шүүхэд өглөө
Мягмар гарагт дэлхийн технологийн салбарын томоохон зүтгэлтэн Женсен Хуан бас нэг шинэ асуудалтай тулгарлаа. Түүнийг болон түүний удирддаг Nvidia компанийг...
16 настай охины амийг хөнөөсөн Ц.Давгадорж нарт холбогдох хэргийн хяналтын шатны шүүх хуралдаан энэ сарын 29-нд болно
Улсын дээд шүүхийн хяналтын шатны эрүүгийн хэргийн 2026 оны аравдугаар сарын 29-ний өдрийн шүүх хуралдаанаар Ц.Давгадорж, Э.Ган-Эрдэнэ, Э.Номин-Эрдэнэ, Х.Энхсайхан нарт...
ХОТЫН ДАРГА АСАН Х.НЯМБААТАР ТУУЛЫН ХУРДНЫ ЗАМЫН ТӨСЛИЙН ХҮРЭЭНД “SHONGFU CONSTRUCTION ENGINEERING” КОМПАНИАС ИХ ХЭМЖЭЭНИЙ АВИЛГА АВЧ БАЙЖЭЭ
Хотын дарга асан Х.Нямбаатар нь Олон улсын хоригт орсон хятадын компанийг Туулын хурдны замын төсөлд оруулж их хэмжээний авилгалын мөнгийг...
Ерөнхийлөгч У.Хүрэлсүхэд Саксони муж улсын Ландтагийн Ерөнхийлөгч бараалхлаа
Монгол Улсын Ерөнхийлөгч Ухнаагийн Хүрэлсүхийн Холбооны Бүгд Найрамдах Герман Улсад хийж буй төрийн айлчлалын хүрээнд Саксони муж улсад хэрэгжүүлж буй...
Улс төрийн шинэчлэлийг өөрөөсөө, өөрийн намаас эхлүүлнэ
Нэг Монгол хөдөлгөөн, Реформ клубыг төлөөлөн Г.Занданшатар өнөөдөр Монгол Ардын Намын дарга Н.Учралд намын шинэчлэлийг бодит ажил хэрэг болгох, иргэдийн...
