Цагаан сонголт гэж байхгүй

Жишээлбэл, таны саналаа өгөх тойрогт дөрвөн мандаттай байвал тухайн дөрвөн мандат дээр нэр дэвшиж байгаа хүмүүсээс заавал дөрвийг сонгоно гэсэн үг. Шуудхан хэлэхэд хүссэн хүсээгүй ч мандатны тоонд тулгаж хүнээ сонгоно. Түүнээс биш дэмжиж байгаа хүнээ дугуйлчихаад, бусад нь сонголтгүй байна гэж үзэж, аль нэгийг нь дугуйлахгүй орхивол таны саналын хуудас хүчингүй болно. Тэгэхээр сонголтгүй ч гэсэн сонгохоос өөр аргагүй өөрчлөлтийг хуулийн төсөлд тусгаад байгаа хэрэг. Нэгэнт ингээд батлагдсан болохоор саналаа өгөх гэж зорьж очсон л бол мандатын тоонд тааруулж, дуртай ч дургүй ч нэр дэвшигчийг дугуйлж л таарах нь.