Бүртгүүлж амжаагүй нэгдүгээр ангид орох хүүхдүүдийг бүртгэж байна

Харин энэ үеэр бүртгүүлж амжаагүй хүүхдүүдийг бүртгэх ажил өчигдрөөс эхлээд байна. Бүртгэл наймдугаар сарын 30-ныг дуустал үргэлжилнэ.

Хавар бүртгүүлсэн хүүхдүүд дахин бүртгүүлэх шаардлагагүйг нийслэлийн Боловсролын газраас хэллээ.

Таван настай буюу 2014 оны нэгдүгээр сарын 1-нээс хойш төрсөн хүүхдийг бүртгэхгүй.

Бүрдүүлэх материал:

• Хүүхдийн төрсний гэрчилгээний эх хувилбар болон хуулбар
• Эцэг эх болон асран хамгаалагчийн үнэмлэх хуулбарын хамт
• Хүүхдийн 3х4 хэмжээтэй 1 хувь цээж зураг
• Шилжилт хөдөлгөөн хийсэн бол холбогдох материалыг авчирна.
• Шаардлагатай тохиолдолд УБЕГ-ын лавлагаа болон бусад нэмэлт материалыг үзнэ.

Хамран сургах тойргийн хүүхдийг ямар нэг элсэлтийн шалгалтгүйгээр бүртгэж, элсүүлэх бөгөөд элсэгчдээс бүртгэлийн хураамж бусад төлбөр авахгүй.

Энэ хичээлийн жилд 38,232 сурагч нэгдүгээр ангид элсэн орох аж.

ХАМРАН СУРГАХ ТОЙРГИЙГ ЭНДЭЭС ХАРНА УУ.

http://www.edub.edu.mn/data/uploads/SAZA/l%20nasan/2019/Hamran%20surgah%20toirog%20tushaal%202019.pdf

Жич: Нийслэлийн 11 дүгээр сургууль 6 дугаар ангиас элсэлт авдаг тул хамран сургах тойрогт  ороогүй болно.