Энэ жил улсын хэмжээнд 900 км хатуу хучилттай замыг ашиглалтанд оруулна гэж салбарын яамнаас мэдээлж байна.
“2020 он гэхэд нийслэл Улаанбаатар хотыг бүх аймагтай хатуу хучилттэй замаар холбохоор ажиллаж байна. Хэдийгээр төв суурин газруудыг холбох зам тавих нь нэн тэргүүний ажил байгаа ч тавьсан замаа засварлан арчилж, цаашлаад илүү чанартай, олон улсын стандартад нийцсэн зам тавих чухал болоод байна” гэж ЗТХ-ийн сайд Б.Энх-Амгалан мэдэгдэж байна.
Одоогийн байдлаар нийтдээ улсын хэмжээнд 1569 км зам тавих, 699 м урт бетон гүүр барих төлөвлөгөөтэй байгаагаас энэ жил 900 км замыг ашиглалтанд оруулж, 500 м гүүрийг тавьж дуусна. Аймаг, орон нутагт замын 108 төсөл хэрэгжиж байгаагаас энэ жил 234 км зам болон 480 м гүүр тавигдана. Энэ жилдээ багтаан баруун бүсийн буюу Говь-Алтай чиглэлийн 126.9 км, Байдраг чиглэлийн зам, мөн Ховд-Баян-Өлгий чиглэлийн, Баян-Өлгийг тойрсон болон Сонгины чиглэлийн замуудыг ашиглалтанд оруулна гэв. Харин Завханы чиглэлийн 67 км, Загастайн замыг ирэх жил хүлээлгэн өгөх аж.
+ There are no comments
Add yours