Истанбул дахь Консулын газрын дэд консул Б.Баттүшиг, жолооч н.Эрдэнэбилэг нар Чех улсаас ХБНГУ-ын хилээр нэвтрэх үедээ дипломат албан машинтай саатуулагдсан талаар бид өмнө мэдээлсэн. Үүнээс гадна дипломат ажилтан Б.Баттүшиг нь Тагнуулын байгууллагад ажиллаж байсан бөгөөд ГХЯ-ны шугамаар хоёр ч удаа үүрэг гүйцэтгэж ажиллаж байсан аж. Тэгвэл дээрх хоёр ажилтныг ХЗДХ-ийн сайд Ц.Нямдоржийн хүү Н.Анхбаяр томилсон гэнэ. Иймд иргэд болоод иргэний хөдөлгөөнүүд Н.Анхбаярыг Монгол Улсаас Австрали улсад суух Элчин сайдаар томилохыг эсэргүүцэж, хүсэлт хүргүүлж байгаа юм байна.
“Ц.Нямдоржийн хүүг Австралийн элчин сайдаар томилохыг эсэргүүцэж байна”
