Х.Баделхан: “Төрийн санхүүжилтээр барьсан 1,542 айлын орон сууц Улаанбатар хот, Хөвсгөл, Орхон, Говь-Алтай аймагт 95-100 хувь ашиглалтад ороод байгаа бөгөөд тэдгээр орон сууцнуудыг түрээслүүлэхээс болсон байна. Засгийн газар энэ оны дөрөвдүгээр сарын 10-нд 138-р тогтоолоор түрээслэж байгаад дараа нь өмчилж болох журам баталсан. Улсын хэмжээнд орон сууц түрээслэх шаардлагатай 77 мянган айл өрх байна.
Цаашид бодит эрэлтийг хангах зорилгоор түрээсийн орон сууцыг нэмэгдүүлэхээр Засгийн газар ажиллаж байна. БНСУ-д хийсэн Ерөнхий сайдын айлчлалын үрээр 15 мянган айлын орон сууцны Солонго хорооллын ажил эхэлсэн. Найман хувийн зээлэнд хамрагдах боломжтой 37 мянган айл өрх байгаа. “Буян-Ухаа-2” хорооллын 972 айлын орон сууц ашиглалтад орж байгаа. Эдгээр барилгыг түрээслэх шийдвэр Засийн газраас гаргалаа. Нийслэлд баригдсан 972 айлын орон сууцыг Улаанбаатар хотын захиргаанд шилжүүлнэ. Хотын захиргаа иргэдэд ямар журмаар, яаж түрээслэхээ шийднэ. Нийтдээ таван жилийн хугацаанд түрээслээд цаашдаа өмчилж болно гэж Засгийн газраас үзсэн
Энэ орон сууцны газрыг төрөөс олгож, инженерийн дэд бүтцийг нь шийдэж өгсөн. Тиймээс өнөөдрийн Засгийн газрын хуралдаанаар түрээсийн орон сууц болгох нь зүйтэй гэсэн шийдвэрийг гаргалаа. Эдгээр орон сууцнууд Хөгжлийн банкны зээлээр ашиглалтад орсон. Гарсан зардлаа тухайн аймаг орон нутаг руу шилжүүлнэ таван жилийн хугацаанд өртгөө төлөх учир түрээсийн орон сууц руу шилжүүлж байгаа юм. Өөрөөр хэлбэл Улаанбаатар хотод баригдсан 972 орон сууцыг гэр хорооллын дахин төлөвлөлтийн хүрээнд олгож болно. Иргэд таван жилийн хугацаанд түрээсэлж цаашид өмчилж авах журмаар явна” гэлээ. Тэрбээр мэдээлэл хийснийхээ дараа сэтгүүлчдийн асуултад хариуллаа.
–Өнөөдрөөс “Буянт-Ухаа-2” хорооллыг ТОСК хариуцахгүй Улаанбаатар хотын захиргаа хариуцна гэсэн үг үү?
–Хамгийн анх ТОСК-ийн захиалгаар Хөгжлийн банкны зээлээр баригдсан. ТОСК өмнөх Засгийн газрын үед өрөнд орж дахин зээл авч энэ барилгыг барих боломжгүй болсон. Тиймээс дутуу барилгыг тэр чигт нь Хөгжлийн банк руу шилжүүлсэн. Нийтдээ 110 тэрбум төгрөгөөр 1,542 айлын орон сууц ашиглалтад орж байгаа юм. Энэ нь өнөөдрийн байдлаар Хөгжлийн балансад байгаа. Засгийн газрын шийдвэр гарснаар зээлтэй нь шилжүүлж байгаа. Нэг ёсондоо Улаанбаатар хотын захиргаа, Орхон, Хөвсгөл, Говь-Алтай аймгийн захираа эдгээр байрнуудыг түрээсээр олгоод, цаашдаа өмчлүүлнэ. Нийслэлийн хувьд энэ орон сууцны асуудлыг Нийслэлийн Засаг дарга мэднэ. Өмнөх түрээсийн журам үйлчлэхгүй. Аймаг, нийслэлийн Засаг дарга нар таван жилийн хугацаанд өр төлөх гэрээг иргэдтэй байгуулаад өөрсдийн журмаар явна.
–“Буянт-Ухаа-2” хороолол төвийн шугамтайгаа холбогдсон уу. Улсын комисс хэзээ хүлээж авах вэ?
–Улсын комисс байгуулагдаж байна. Барилга ерөнхийдөө ашиглалтад орж байгаа. Дулааны асуудлыг бүрэн шийдсэн. 972 айлын орон сууц нийтдээ 75 тэрбум төгрөгийн өртгөөр босч байгаа. Нэг метр квадратын өртөг ойролцоогоор нэг сая 460 мянган төгрөгийн ханштай байна.
-Түрээсний үнэ ямар байх вэ?
-Зээр баригдсан барилгыг Засаг дарга нарын эрх мэдэлд шилжүүлсэн. Дарга нар хэрхэн олгохоо шийднэ. 30 хувиа төлөөд ипотекийн зээлд хамрагдаж болно. Мөн таван жилээр түрээслээд урьдчилгаагаа бүрдүүлээд ипотекийн зээлд хамруулж болно.
More Stories
Малайзын мафиас айгаад Монгол хүний амь нас өнчин ишигнээс ч үнэ цэнэгүй болох ёсгүй
2006 онд Малайз улсад Монгол Улсын иргэн Ш.Алтантуяагийн амь насыг онц хэрцгийгээр хөнөөсөн аймшигт хэрэг гарснаас хойш даруй 20 жил...
Nividia компани болон түүний гүйцэтгэх захирал Женсен Хуаныг хувьцаа эзэмшигчид нь шүүхэд өглөө
Мягмар гарагт дэлхийн технологийн салбарын томоохон зүтгэлтэн Женсен Хуан бас нэг шинэ асуудалтай тулгарлаа. Түүнийг болон түүний удирддаг Nvidia компанийг...
“Зам тээврийн ослоос урьдчилан сэргийлье” сургалт эхэллээ
Хан-Уул дүүргийн ИТХ-ын Гэмт хэргээс урьдчилан сэргийлэх ажлыг зохицуулах салбар зөвлөлөөс гэмт хэрэг, зөрчлөөс урьдчилан сэргийлэх “Дуугарах цаг” аяны хүрээнд...
“Сүхбаатар дулааны цахилгаан станц” 150 мянган өрх, аж ахуйн нэгжийг цахилгаанаар, 30 мянган айл өрхийг дулаанаар хангана
Монгол Улсын Ерөнхийлөгч Ухнаагийн Хүрэлсүх Сэлэнгэ аймагт ажиллаж байна. Тэрбээр “Сүхбаатар дулааны цахилгаан станц”-ийн нээлтэд оролцов. Энэ станц орон нутгийн...
ЗГ:2030 он гэхэд 100 мянган өрхийг орон сууцанд оруулах бодлогыг зорилгоо болгон ажиллаж байна
Өчигдөр /2026.11.03/ 15:00 цагаас Төрийн ордны зүүн талын галарейд “100 мянган айлын орон сууц Үндэсний хөтөлбөрийн тухай мэдээллийг сэтгүүлчидэд өгөх...
Эрчим хүчний яам болон Зам тээврийн яамны Төрийн нарийн бичгийн дарга асан Б.Н-д шүүхээс 5 жилийн хорих ял ногдуулжээ
Авлигатай тэмцэх газрын Мөрдөн шалгах хэлтсээс мөрдөн шалгасан Зам тээврийн яамны Төрийн нарийн бичгийн даргаар ажиллаж байсан Б.Н нарын 5...
