Худалдаа хөгжлийн банкны ТУЗ-ийн дарга “сахал” Д.Эрдэнэбилэгийг дөнгөж сая 30 хоногоор хорих шийдвэрийг шүүх гаргалаа.
Эрүүгийн цагдаагийн албаны Эдийн засгийн гэмт хэрэгтэй тэмцэх хэлтсээс өнгөрсөн гуравдугаар сарын 5-нд Д.Эрдэнэбилэг, О.Орхон, Ц.Пүрэвтүвшин нарыг саатуулаад сулласан юм. “Эрдэнэт” Үйлдвэрийн 49 хувьтай холбоотой асуудлаар Д.Эрдэнэбилэгийг дахин цагдан хорих хүсэлтийг хуулийн байгууллагаас гаргаж шүүхэд хүргүүлсэн юм.
Сүхбаатар дүүргийн шүүх энэ сарын 21-нд цагдан хорионы асуудлыг хэлэлцэх үеэр Д.Эрдэнэбилэгийн өмгөөлөгч н.Нямдорж шүүгч Х.Идэрээс татгалзсанаар уг асуудлыг тухайн дүүргийн Ерөнхий шүүгч хэлэлцэх хүртэл түр хойшлуулах шийдвэрийг гаргаад байсан юм. Тэгвэл уг асуудлыг дөнгөж сая хэлэлцээд Д.Эрдэнэбилэгийг 30 хоногоор баривчлах тогтоол гаргажээ.
+ There are no comments
Add yours