114-р сургуулийн багш согтуу үедээ найман хүүхдийг цохиж танхайрчээ

Тодруулбал, Хүүхэд гэр бүл хөгжлийн газрын 108-ийн шуурхай утсанд 2-3 эцэг эх хичээлийн үеэр нийтдээ найман хүүхдийг их бага хэмжээгээр цохиж дэглэсэн тухай дуудлага мэдээллийг ирүүлсэн байна. 114-р сургуулийн наймдугаар ангийн цонх нь хагарсан байсан тул согтуу багш орж ирээд хичээл орохдоо хэн цонх хагалсан бэ? хэмээн эхнээс нь эхлээд найман хүүхдийг цохисон байна. Энэ үеэр нэг хүүхэд айж цочирдож, зүрх нь дэлсэж эмнэлэгт хүргэгдсэн байгаа юм.

Бусад хүүхдүүдийг сургуулийн эмчийн үзлэгт хамруулж биеийн байдал тогтвортой, тайван байгааг эцэг эхчүүдэд нь хэлсэн аж.

Харин хүүхэд согтууруулах ундааны зүйл хэтрүүлэн хэрэглэсэн үедээ сурагчдад хичээл орох үеэрээ эрэгтэй хүүхдүүдэд гар хүрсэн асуудал гаргасан техникийн эрэгтэй багшийг үүрэгт ажлаас нь энэ сарын 21-ний өдрийн хурлаар халсан бөгөөд багшлах эрхийг нь түр хугацаагаар түтгэлзүүлж шийдвэрлэжээ.

Тухайн хүүхдэд гар хүрсэн гэх багш 114-р сургуульд байгуулагдсан цагаас нь хойш буюу арав гаруй жил ажилласан аж. Олон жил ажиллахдаа мужаанаар ажилаж байгаад өнгөрсөн жилээс багшлах эрхээ авсан гэх бөгөөд удаа дараа согтууруулах ундаа хэрэглэж хичээл зааж байсан гэх шалтгаанаар сануулах арга хэмжээ авхуулсан байжээ.

Энэ талаар 114-р сургуулийн менежер хэлэхдээ: Тухайн өдөр эрэгтэй техникийн хичээл ордог багш хичээл дээрээ согтуу ирсэн байсан. Ирэхэд нь 8в ангийн цонх нь хагарсан байсан. Гэтэл “Цонх хэн хагалсан бэ?” эхнээс авхуулаад эрэгтэй найман хүүхдийг цохисон ийм асуудал гаргасан. Хоёр эцэг эхчүүдээс хүүхэд цохиулсныхаа улмаас сэтгэл санаа цочирдсон гэх гомдол ирсэн байгаа. Тухайн асуудал гаргасан багшийг ажлаас нь халж, цагшлах эрхийг нь түтгэлзүүлэхээр зохих шатны байгууллагад хандсан байгаа. Тухайн асуудал болсон өдөр сургуулийн удирдлагууд бүгд байсан. Энэ талаар сонсоод очиж таслан зогсоож, ангийн багштай нь хамт эцэг эхийг нь дуудаад эмнэлэгт хүргэх арга хэмжээ авсан. Цагдаагийн байгууллагад хандсан эцэг эх байхгүй юм шиг байна лээ. Цаашид яахыг нь манай сургуулийн зүгээс мэдэхгүй байна гэсэн юм.