Нэг ой найман сартай хүүхэд долоон давхраас унаж нас барсан хэрэг гарлаа

Бага насны хүүхэд өндрөөс унаж бэртсэн гэсэн тохиолдлууд ихэвчлэн гэртээ байхдаа ноцтой гэмтэл авдаг тухай мэргэжилтнүүд хэлдэг билээ.

Гэвч эцэг эх, асран хамгаалагчид бага насны хүүхдэд тавих анхаарлаа жоохон л сулруулахад бага насны хүүхэд өндрөөс унасан тохиолдол өнөөдөр бүртгэгдсэн байна. Тодруулбал, 10:50 цагийн орчим Баянгол дүүргийн 17-р хороонд нэг ой найман сартай хүүхэд долоон давхраас унаж нас барсан харамсалтай хэрэг гарчээ. Талийгаач хүүгийн ээж ариун цэврийн өрөө орсон хойгуур хүү өндрөөс унасан байжээ.

СЭРЭМЖЛҮҮЛЭГ: Тиймээс эцэг эх, асран хамгаалагчид анхаарал болгоомжтой байж болзошгүй эрсдэлээс сэргийлэн цонхны хаалт хийлгэхийг сэрэмжлүүлж байна.