Энэ сарын 18-19-нд шилжих шөнө цагдаагийн алба хаагч ажил үүргээ гүйцэтгэж байгаад нас барсан харамсалтай хэрэг гарчээ. Тодруулбал, Сүхбаатар аймаг дахь цагдаагийн газар, Түмэнцогт сум дахь хэсгийн төлөөлөгч, цагдаагийн дэслэгч Түвшинжаргалын Жаргалсайхан нь ажил үүргээ гүйцэтгэж байхдаа буюу ажлын байран дээрээ байх үедээ зуурдаар таалал төгсчээ.
Талийгаачийн хуулиар хүлээсэн чиг үүрэг, иргэдийн амар амгалангийн төлөө үнэнчээр зүтгэж байгаад харамсалтайгаар амь насаа алдсанд гэр бүл төрөл төрөгсөд болон Сүхбаатар аймаг дахь цагдаагийн газрын хамт олонд цагдаагийн нийт бие бүрэлдэхүүн, Цагдаагийн ерөнхий газрын даргын зөвлөлийн гишүүд гүн эмгэлэн илэрхийлж байна.
