“Хуурамч мэдээллийн үе дэх сэтгүүл зүй ба сонгууль” хэлэлцүүлэг боллоо

Өнөөдрийн байдлаар манай улсад 88 сонин, сэтгүүл 77, радио 48, телевиз 127 болон 100-н веб сайт үйл ажиллагаа явуулдаг гэсэн судалгаа байдаг. Сүүлийн жилүүдэд зарим мэдээллийн хэрэгслээр хандлага нэмэгдүүлэх, үзэгчдийгээ татах гэж ташаа мэдээлэл хуурамч мэдээллээр хангах нь сэтгүүл зүйн салбарт ажиглагдах болсон байна.

Тэгвэл Нээлттэй нийгэм форумоос “Дэлхийн хэвлэлийн эрх чөлөөний өдөр”-т зориулсан “Хэвлэл мэдээлэл ардчиллын төлөө, Хуурамч мэдээллийн үе дэх сэтгүүл зүй ба сонгууль” хэлэлцүүлгийг зохион байгууллаа. Энэхүү хэлэлцүүлгээр өнөөгийн нийгэмд тулгамдаж байгаа асуудлыг хэлэлцлээ.

ЮНЕСКО-ийн үзэл баримтлалын хүрээнд дэлхийн хэмжээнд болон дотооддоо нийтээрээ хэлэлцвэл зохих дараах гурван дэд сэдвийг онцолжээ. Үүнд:
• Цахим эрин үе сонгуулийн мэдээлэл харилцаанд хэрхэн нөлөөлж байна вэ?
• Хэвлэл мэдээллийн ардчилалд гүйцэтгэх үүргийг буруулах шинэ оролдлого
• Тогтвортой энх тайван, ардчилалд Хэвлэл мэдээллийн оруулах хувь нэмэр, чадавх хэмээн тодорхойлсон байна.
Хэлэлцүүлгийн үеэр дээрх сэдвийн хүрээнд холбогдох салбарын судлаач, мэргэжилтнүүд, төлөөллүүдийг оролцож байгаа юм.