С.Зориг агсны хэргийг шалгах түр хорооны даргаар Ж.Батзанданг сонголоо

С.Зоригийн амь насыг хөнөөсөн хэргийг шалгах Түр хороо өчигдөр анхны хуралдаанаа хийж, хуралдааныг УИХ-ын гишүүн Ц.Нямдорж даргалан явуулж, даргыг сонгох асуудлыг хэлэлцсэн юм.

Улмаар УИХ-ын гишүүн Ж.Батзанданг Түр хорооны даргад нэр дэвшүүлэх саналыг Түр хорооны гишүүд гаргасан. Уг саналыг чуулганы хуралдааны эхэнд хэлэлцэх юм.

Уг саналын чуулганаар хэлэлцэж санал хураалт явуулахад гишүүдийн 81.6 хувь нь дэмжсэнээр УИХ-ын гишүүн Ж.Батзандан Түр хорооны даргаар сонгогдлоо. С.Зориг агсны хэргийг шалгах Түр хорооны гишүүдэд Ж.Батзандан, Л.Болд, Х.Нямбаатар, Я.Санжмятав, Ц.Нямдорж, А.Сүхбат, Ө.Энхтүвшин нар багтсан.

Үргэлжлүүлэн Авлигатай тэмцэх газрын дарга, дэд даргыг томилох асуудлыг хэлэлцэнэ.