Өнөөдөр өглөөний 07:00-09:30 цагт гамшгаас хамгаалах иж бүрэн сургуультай холбогдуулан Нийслэл Улаанбаатар хотын авто замын хөдөлгөөнийг бүрэн хязгаарласан билээ.
Хотын төв рүү чиглэсэн авто замын хөдөлгөөн нэлээд ачаалалтай байна гэдгийг Тээврийн цагдаагийн албанаас мэдээллээ. Мөн өглөөнөөс хойш тус алба зам тээврийн ослын шинжтэй нийт 42 дуудлага мэдээллийг хүлээн авчээ.
Тус албанаас мэдээллэхдээ, өглөө 07.00 цагт зам хаасны дараагаар зам тээврийн дөрвөн осол бүртгэгдсэн. Замын хөдөлгөөнийг нээснээс хойш зам тээврийн ослын тоо ихээр нэмэгдсэн. Одоогийн байдлаар хотын төв рүү чиглэсэн замын хөдөлгөөний ачаалал маш их байна гэсэн юм.
Дадлага сургуультай холбогдуулан тээврийн хэрэгслийн хөдөлгөөнд хязгаарлалт хийх үеэр Тээврийн цагдаагийн албаны 390 гаруй алба хаагчид 400 орчим цэгт хамгаалалт, зохицуулалт хийж ажиллаж байгаа аж.
Б.Баатар
+ There are no comments
Add yours