Apple, Amazon-ы дараа Майкрософт их наядын босгыг анх удаа давлаа

44 настай тус компанийн сүүлийн гурван сарын орлого өмнөх оны мөн үеэс 14 хувиар өссөн тухай сайн мэдээ хувьцааны үнийг нь 4 хувиар өсгөж, зах зээлийн үнэлгээг нь хэсэг хугацаанд нэг их наяд ам.долларт хүргэжээ.

Ингэснээр Майкрософт нь их наядын үнэлгээнд хүрсэн гурав дахь компани болж, Apple, Amazon-ы араас жагсаж байна.

Өнгөрсөн улирлын орлого нь $30.6 тэрбумд хүрсэн нь Wall Street-ийн төсөөлж байсан $29.86 тэрбумын хэмжээг давсан хэрэг байв.

Windows үйлдлийн системтэй PC компьютерын зах зээл хумигдаж байгаа ч Майкрософтын cloud-computing үйлчилгээ, Office 365 бүтээгдэхүүн нь орлогын өсөлтөд гол нөлөөг үзүүлжээ.

Cloud-computing буюу үүлэн тооцооллын үйлчилгээ нь нийтдээ $9.6 тэрбумын орлого олж, өнгөрсөн оны мөн үеэс 41 хувиар нэмэгдэж, өсөлтийн хурдаар бусад бизнесүүдээ тэргүүлсэн байна.

Харин Office 365 бүтээгдэхүүний өнгөрсөн улирлын орлого $10.2 тэрбумд хүрсэн нь 2018 оны эхний улирлын орлогын хэмжээнээс 14 хувиар өссөн дүн болжээ.

Уг бүтээгдэхүүний хэрэглэгчдийн тоо 34.2 саяд хүрсэн байна.

Эх сурвалж: Business Insider