УИХ-ын гишүүн Н.Учрал, АНУ-ын Бригим Янгийн их сургууль, Дезерет ОУ-ын байгууллагын хамтарсан “Зөв гэр” нийгмийн хариуцлагын төсөл СХД-ийн 23 дугаар хороонд хэрэгжиж эхэллээ.
Тус төслийн хүрээнд 100 айлд цахилгаан халаагууртай гэрийн иж бүрэн дулаалга хийж, 20 айлд гэр хэлбэртэй байшин барьж өгнө. Төслийн нийт өртөг нь 700 сая орчим төгрөгийн зардал гарч байгаа бөгөөд төслийг хэрэгжүүлэгч байгууллагуудын зүгээс нийгмийн хариуцлагын хүрээнд тус зардлыг гаргаж төсөлд хамрагдах айлуудад үнэ төлбөргүй хийж өгөх юм байна. Мөн төсөл хэрэгжсэн айлуудын хувьд нүүрсэнд зарцуулж байсан зардлаас 50 хувь бага зардлаар дулаанаа шийдвэрлэх боломж бүрдэж байгаа нь технологийн шийдлийн онцлог юмаа. “Зөв гэр” төсөл нь СХД-ийн 23 дугаар хорооны 3 айлд иж бүрэн дулаалга хийж, 1 айлд гэр хэлбэртэй байшин барьж өгч туршилт хийгдсэн бөгөөд туршилт хийгдсэн айл өрхүүдийн зүгээс дулаан алдагдал нь илдэт буурсанд сэтгэл хангалуун байгаагаа илэрхийлсэн.
Төслийн үр дүнд Сонгинохайрхан дүүргийн 23 дугаар хорооны 120 өрх 600 орчим иргэн түүхий нүүрсний хэрэглээгээ зогсоож гэртээ дулаан, тохилог амьдрах нөхцөл бүрдэнэ.
Мөн УИХ-ын гишүүн Н.Учралын зүгээс агаарын болон хөрсний бохирдлыг бууруулах зорилгоор хэд хэдэн төслүүдийг ээлж дараатайгаар хэрэгжүүлэн ажиллаж байгаагийн ээлжит төсөл нь уг төсөл юм байна.
+ There are no comments
Add yours