Говь-Алтай аймагт хүчтэй дуу чимээ гарч, газар хөдлөлт болсон гэв

Говь-Алтай аймгийн төв Есөнбулаг сумаас баруун зүгт өнөөдөр өглөө 07:13 цагт хүчтэй дуу чимээ гарч, газар хөдлөлт болсон байна. Тодруулбал, аймгийн төвөөс 10км зайд буюу баруун зүгт 46,38 өргөрөг, 96,12 уртрагт 3.1 магнитутын газар хөдлөлт болж иргэдэд мэдрэгдсэн байна. Газар хөдлөлтийн талаар тус аймгийн Онцгой байдлын алба шуурхай хуралдаж байгаа бөгөөд одоогоор ямар нэгэн хохирол учирсан тухай мэдээлэл ирээгүй гэж албаны эх сурвалж мэдээллээ.