Монгол Улсын хэмжээнд арван аймагт томуугийн халдвар өндөр байгаа учраас сурагчдын амралтыг түр хугацаагаар хойшлуулах шийдвэр гаргаад байна. Тодруулбал, арван аймгийн Боловсролын хэлтэс, Засаг даргаас ирүүлсэн хүсэлтийн дагуу энэ сарын 21-нд хичээллэж эхлэх байсан орон нутгийн сурагчдын амралтыг хоёрдугаар сарын 4-н хүртэл сунгажээ.

Энэ хугацаанд хүүхдийн сурлагын хоцрогдлыг нөхөх үүргийг аймгийн Боловсролын хэлтсүүд хариуцах юм байна. БСШУСЯ-ны Ерөнхий боловсролын бодлогын газрын дарга Т.Ням-Очир “Тухайн аймгийн мэргэжлийн арга зүйч нар арга зүйгээр хангана. Ингэснээр энэ агуулгыг ингэж нөхнө, бие даалтаар хийнэ гээд бүхий л нарийвчилсан заавар, зөвлөгөө өгнө. Уг ажлыг ерөнхий боловсролын сургуулийн удирдлагууд гардан зохион байгуулна” гэдэг тайлбар өгсөн аж.

Цаашдаа үүргийнхээ дагуу сурагчдын амралтыг түр хугацаагаар хойшлуулах хүсэлт ирвэл нэн даруй шийдвэрлэхэд салбарын яамнаас бэлэн байгаагаа хэллээ. Зөвхөн хүүхдүүд гэлтгүй нийт иргэдийн дунд томуу болон H1N1 вирусын халдвар авах эрсдэл нэмэгдэж байгаа учраас өдөр тутамдаа амин дэмтэй хүнс хэрэглэж, шингэн зүйл сайтар ууж, дасгал хөдөлгөөн хийж хэвшихийг сануулж байна.

Leave a Reply

Your email address will not be published. Required fields are marked *

Previous post Сурагчдын амралтад зориулсан цахим хичээл эхэлжээ
Next post Энэ амралтын өдрүүдэд бүх нийтийн их цэвэрлэгээтэй

More Stories

Монгол хэл бичгийн шалгалтыг цахимаар зохион байгуулахыг түр хугацаанд хэрэгжүүлэхгүй байхаар шийдвэрлэжээ

Пүрэв Дашдорж

Монгол Улсын хэмжээнд их, дээд сургууль, коллежид элсэгчдийн эх хэлний боловсролын чанар, хэрэглээ, иргэдийн харилцааны соёл, эх хэлний дархлааны түвшнийг...

“Оюу Толгой” төслийн Монголд ногдох өгөөжийг 60 хувиас нэмэгдүүлэх, 2026 онд багтаан ногдол ашиг олгох шаардлага тавилаа

Пүрэв Дашдорж

Ерөнхий сайд Г.Занданшатар 2026 оны нэгдүгээр сард “Оюу Толгой” төсөлд Монгол Улсын эрх ашгийг хангуулахаар “Оюу Толгой” ХХК болон “Рио...