Хөвсгөл аймгийн Мөрөн сумын нутагт байрлах хийдэд шөнийн цагаар хаалгыг нь эвдэн орж, бурхан байрлаж байсан шилийг хагалан дөрвөн ширхэг бурхан хулгайлсан байна. Хэргийг тодруулбал, нэгдүгээр сарын 15-16-ныг шилжих шөнө эл хэрэг үйлдэгдсэн аж. Алдагдсан бурхдыг дүрсэлбэл, баруун гартаа сэлэм барьсан Манзушир бурхан 14-18 см урттай хоёр ширхэг, хүүхэд тэвэрсэн Богд бурхан нэг ширхэг, залбираад сууж байгаа Богд бурхан нэг ширхэг байсан аж. Хулгайд алдагдсан бурхадын хоёр нь эртний буюу 1937 оноос өмнө бүтээгдсэн Бодьсадва бурхан хоёр ширхэг байжээ. Тэдгээр бурхад нь гойд сонин хийцгүй ч эртнээс өдгөө хүртэл хадгалагдаж ирсэн ховор бүтээл аж. Бурхан хулгайлагдсан талаарх дуудлага нэг сарын 16-ны 19:03 цагт Хөвсгөл аймгийн цагдаагийн газарт ирсэн байдаг. Дуудлагын мөрөөр эдийн засгийн мөрдөгчөөр ахлуулсан ажлын хэсэг гарч мөрдөн шалгаж эхэлсэн байна.
+ There are no comments
Add yours