Lancet Planetary Health – ийн орон даяар хийсэн судалгаанд 2017 оны нас баралтын хамгийн багадаа 12.5% буюу 8 хүн тутмын 1 нь утаанаас үүдэлтэй амьсгалын замын халдвар, зүрхний өвчин, уушигны хорт хавдар, цус харвалт, чихрийн шижин зэрэг өвчнөөр нас барсан нь тогтоогдсон. Агаарын бохирдлын улмаас нас барсан хүмүүсийн 51.4% нь 70-аас доош насныхан байжээ.
Энэтхэгийн хүн амын гуравны нэг нь засгийн газраас тогтоосон зохистой хэмжээнээс хэд дахин илүү бохирдолтой агаараар амьсгалж байна. Тэрхүү зохистой хэмжээ нь Дэлхийн Эрүүл Мэндийн Байгууллагаас гаргасан зохистой хэмжээнээс даруй 4 дахин өндөр байгаа. Энэтхэгийн хаана ч ДЭМБ-ын тогтоосон зохистой хэмжээтэй дүйцэхүйц агаар байхгүй.
Өнгөрсөн сард Вашингтон Пост сонинд Энэтхэг хүмүүсийн дундаж наслалт 5.3 жилээр буурсан харамсалтай судалгааны үр дүн нийтлэгдсэн. Дели-Хапур болон Буландшахр дүүрэгт насжилт 12 жилээр буурсан байгаа нь дэлхийд агаарын бохирдлын улмаас насжилт буурсан хамгийн өндөр үзүүлэлт юм.
+ There are no comments
Add yours