ТӨБЗГ-ын даргаар Ганбатыг нэрийг АТГ руу явуулжээ

ТӨБЗГ-ын даргаар Ганбатыг нэрийг АТГ руу явуулжээ

Төрийн өмчийн бодлого зохицуулалтын газар /ТӨБЗГ/-ын дарга Ц.Ням-Осор Засгийн газрыг огцруулах асуудал сөхөгдөхтэй зэрэгцэн, албан ажлаа өөрийн хүсэлтээр өгсөн. Тиймээс ч Засгийн газрыг огцруулах үндэслэлийг байнгын хороо, УИХ-ын чуулганы нэгдсэн хуралдаанаар хэлэлцэхтэй зэрэгцэн, хөшигний ард уг албан тушаал дээр хэд хэдэн хувилбар яригдсан байдаг.

Тухайлбал, Нэр бүхий УИХ-ын гишүүн өөрийн төрсөн ахаа ТӨБЗГ-ын даргаар томилуулж, Засгийн газрыг огцруулахын эсрэг кноп дарахаар ярилцсан гэх мэдээлэл ч гарсан юм. Мөн Ерөнхий сайдын  ахлах зөвлөх Б.Энх-Амгалангийн нэр ч яригдсан билээ.

Улмаар өнгөрсөн долоо хоногийн Лхагва гаригт  Хууль зүй дотоод хэргийн сайд Ц.Нямдорж Увс аймгийн гаралтай Х.Балсандоржийг ТӨБЗГ-ын даргаар томилуулах тохироонд хүрч, материалыг нь АТГ-д хянуулахаар илгээсэн байна. Гэвч АТГ-ын зүгээс Х.Балсандоржийг төрийн албаны зарим шаардлагыг хангахгүй байна гэж үзжээ. Мөнхүү Ц.Нямдорж сайдад хэт их албан тушаал өгч байгаа гэх үүднээс улс төрийн тохироо хийгдэж, зориуд буцаасан гэх мэдээлэл ч байгаа юм.

Ингэснээр УИХ-ын гишүүн Б.Баттөмөр тэргүүтэй Увсын нөлөө бүхий эрхмүүдийн дэмжлэгээр Монголбанкны Хууль эрхзүйн газрын захирал Б.Ганбатыг томилохоор АТГ-д материалыг нь хянуулж эхэлсэн байна. АТГ-аас хариу ирсэн тохиолдолд Засгийн газрын хуралдаанаар оруулан, томилгоог хийх юм.

ТӨБЗГ-ын даргаар томилогдохоор яригдаж буй Б.Ганбат өмнө нь Сангийн яаманд  мэргэжилтнээс  газрын даргын албан тушаалд нийт 18 жил ажилласан туршлагатай аж. Тэрээр Н.Баяртсайхан Монголбанкны Ерөнхийлөгч болсны дараа ЗГХЭГ-аас Монголбанк руу шилжин ажилласан нэгэн юм байна.

Leave a Reply

Your email address will not be published.

Д.Сумъяабазар: Иргэдийн бухимдаж буй нь зөв. Бензиний үнэ 1550-1600₮ байх бүрэн боломжтой байсан

Д.Сумъяабазар: Иргэдийн бухимдаж буй нь зөв. Бензиний үнэ 1550-1600₮ байх бүрэн боломжтой байсан

“Нээлттэй Улаанбаатар” хэвлэлийн хурлын үеэр Улаанбаатар хотын Захирагч  Д.Сумъяабазар шатахуун хомсдсон асуудалд холбоотойгоор байр сууриа илэрхийллээ. Тэрбээр “Шатахууны асуудлыг энэ хэмжээнд хүргэх нь дордсоны шинж. Ялангуяа...