Иргэд өөрсдийн буруугаас болж хонжворын мөнгөө авч чадахгүй байна гэв

НӨАТ-ын сугалааны тохирол сар бүр явагдаж буй. Сарын сугалаагаар сүпер шагналын азтан тодорхгүй байгаа ч олон азтан бага хэмжээгээр мөнгө хожиж байгаа юм. Гэвч өөрсдийн буруугаас болж хонжворын мөнгөө авч чадахгүй хохирох тохиолдол гарч байгаа аж.

Тодруулбал, олон хүн хонжворын мөнгөө авах хүсэлтээ баталгаажуулаагүйн улмаас хонжвороо авч чадахгүй байгаа талаар Татварын ерөнхий газраас мэдээлсэн байна. Хүсэлтээ өөрийнхөө мэдээлэл дээр байгаа зааврын дагуу баталгаажуулсан тохиолдолд таны хонжворын мөнгө ажлын 20 хоногт багтан шилжих болно гэдгийг анхааруулжээ.