Айлуудын гэр, байшин хөрсний усанд автжээ

Чингэлтэй дүүргийн 7, 8, 18 дугаар хорооны нутаг дэвсгэрт булгийн ус газрын хөрснөөс нэвчиж, хөлдөлт үүссэний улмаас дээрх хороодын айл өрх, иргэдийн гэр, байшин усанд автжээ. Үүнээс болж шуурхай албаны болон иргэдийн тээврийн хэрэгсэл зорчих боломжгүй болсон байна. Нийслэлийн онцгой байдлын газрын Шуурхай ажлын хэсэг 10 орчим техник хэрэгсэлтэйгээр газар дээр нь ажиллан, сэргээх босгох ажлыг зохион байгуулж, зам, талбай, гудамж, иргэдийн хашааны хөлдсөн мөсийг ховхлох, цэвэрлэж тээвэрлэх, булгийн ус урсах нөхцлийг бүрдүүлэн шинээр суваг шуудуу татаж, айл өрх, иргэдийн аюулгүй байдлыг ханган ажиллаж байгаа ажээ.