Согтуурсан үедээ дагавар хүүгээ заазуурдажээ

Гэр бүлийн тогтворгүй харилцааны улмаас бага насны хүүхдүүд хүчирхийлэлд өртөх явдал газар авсаар байна. Дагавар хүүгээ ноцтой гэмтээсэн хэрэг гарлаа.

Хэргийг тодруулбал, Энэ сарын 20-ны өдөр Сонгинохайрхан дүүргийн нутаг дэвсгэрт байрлах нэгэн нийтийн байранд согтууруулах ундааны зүйл хэтрүүлэн хэрэглэсэн үедээ дагавар хүүгийнхээ хүзүү, мөрийг заазуурдсан хэрэг гарчээ. Хэргийн талаарх дуудлага мэдээллийг цагдаагийн байгууллагад иргэнээс ирүүлсэн аж. Цагдаагийн алба хаагчид мэдээллийн дагуу очиход тус согтуурсан иргэн 16 настай дагавар хүү рүүгээ дахин гэмтээхээр дайрч байх үед зогсоож, тухайн хэрэг үйлдсэн этгээдийг таслан сэргийлэх арга хэмжээ авсан байна. Тухайн хүүг яаралтай түргэн тусламжаар эмнэлэгт хүгэсэн бөгөөд тухайн хүү хүнд гэмтэл авсан учраас эмчилгээ хийлгэж байна. Уг хэрэгт Эрүүгийн хэрэг үүсгэн мөрдөн шалгах ажиллагааг Сонгинохайрхан дүүргийн цагдаагийн гуравдугаар хэлтэст шалгаж байна.