Гурван этгээд бүлэглэн 68 настай иргэнийг дээрэмджээ

 Энэ сарын 1-ний 20:30 цагийн үед Баянзүрх дүүргийн 14-р хороо “70-р байрны баруун талд явж байсан 68 настай иргэнийг үл таних гурван хүн дээрэмджээ. Тодруулбал, тус дүүргийн цагдаагийн алба хаагчид “Хяналт” арга хэмжээний хүрээнд эргүүлийн үүрэг гүйцэтгэж байх үед 68 настай эрэгтэй “Б”-г явж байхад нь эрэгтэй 42-43 насны гурван этгээд бүлэглэн “LG” гар утас, хэтэвчтэй биет бэлэн мөнгийг дээрэмдсэн байна.

Тус мэдээллийн дагуу цагдаагийн байгууллага шуурхай ажиллаж илрүүлэн, гэмт этгээдүүдийг саатуулан шалгаж байна. Уг хэргийг Баянзүрх дүүргийн цагдаагийн нэгдүгээр хэлтэст Эрүүгийн хэрэг үүсгэн шалгаж байна.

[su_box title=”Эрүүгийн хуулийн 17 дугаар бүлэг,” style=”glass”] 17.2 дугаар зүйл. Дээрэмдэх  1. Бусдын эд хөрөнгийг илээр, хүч хэрэглэхгүйгээр, хууль бусаар авсан бол зургаан сараас таван жил хүртэл хугацаагаар зорчих эрхийг хязгаарлах, эсхүл зургаан сараас таван жил хүртэл хугацаагаар хорих ял шийтгэнэ.  2. Бусдын эд хөрөнгийг хүч хэрэглэж, хүч хэрэглэхээр заналхийлж авахаар довтолсон бол хоёр жилээс найман жил хүртэл хугацаагаар хорих ял шийтгэнэ. 3. Энэ гэмт хэргийг: 3.1. байнга үйлдэж амьдралын эх үүсвэр болгосон; 3.2. зэвсэг, тусгайлан бэлтгэсэн зэвсгийн чанартай зүйл хэрэглэж үйлдсэн; 3.3. зохион байгуулалттай гэмт бүлэг үйлдсэн бол таван жилээс арван хоёр жил хүртэл хугацаагаар хорих ял шийтгэнэ.[/su_box]