Хэнтий аймгийн Мэргэжлийн хяналтын газрын хэлтсийн даргаар ахлуулсан ажлын хэсэг тус аймгийн Батноров сумын Шаварт хэмээх газарт байгалийн өнгөт чулуу хууль бусаар түүж, олборлож байгаа үйл ажиллагаанд хяналт шалгалт хийжээ.
Тус шалгалтаар дөрвөн машин, зургаан иргэнийг саатуулан шалгаж, арга хэмжээ авч, хууль бус үйлдлийг таслан зогсоосон байна. Мөн хууль бусаар өнгөт чулуу түүгч, олборлогч, худалдан авагч иргэдэд хууль, эрх зүйн зөвлөгөө мэдээлэл өгчээ.
Мөн Батноров сумын Засаг даргын тамгын газартай хамтран ухаж сүйтгэгдсэн газрыг зориулалтын тээврийн хэрэгслээр түрж тэгшлэх, мод бут тарьж нөхөн сэргээх ажлыг хийх аж.
+ There are no comments
Add yours