Өнөөдөр үүрийн 04:37 цагт Нийслэлийн Сонгинохайрхан дүүргийн тавдугаар хороо, Баянголын 15 дугаар гудамжинд гэр шатаж байна гэсэн дуудлага онцгой байдлын газарт иржээ. Тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн найман алба хаагч, хоёр автомашинтай 04:45 цагт очиход таван ханатай гэр,“Соната-7” загварын суудлын автомашины хөдөлгүүрийн хэсэгт гал тархан шатаж байсан аж.
Онцгой байдлын алба хаагчид дээрх галын голомт дээр ажиллаж, 17 минутад унтраасан байна. Уг гал түймэрт нэр, хаяг, нас хүйс тодорхойгүй гурван том хүн, хоёр хүүхэд өртөж нас барсан байна. Хэргийн газарт ажилласан алба хаагчид цогцсыг цагдаагийн байгууллагад шилжүүлэн өгчээ.
+ There are no comments
Add yours