Нийслэлийн Сүхбаатар дүүргийн нутагт орших Дунд голын /Сэлбэ/ үерийн хамгаалалтын далан дотор зөвшөөрөлгүй барилга барьж байсан иргэн Эко констракш компанийн орон сууцны зориулалтаар барьж байгаа барилгыг албадан буулгаж, үйл ажиллагааг нь зогсоосон байна. Энэ талаар Геодези, Усны барилга байгууламжийн газрын Олон нийттэй харилцах мэргэжилтэн Ц.Тагарваа, 2018 оны 02 сарын 01-ний өдөр иргэн С.Нямдаваа ГУББГ-т үерийн даланг чинь өөрийн хөрөнгөөр ногоон байгууламжаар тохижуулж өгье хамтарч ажиллая гэсэн хүсэлт гаргасан байдаг. Ажлын зургийг нь үзтэл манай даланг дотогш нь нарийсгаж барихаар байсан тул бид зөвшөөрөөгүй. Гэтэл 2018 оны 8-р сард барилгын ажлаа эхлүүлсэн. Бид 3-н удаагийн албан шаардлага өгч ажлаа зогсоохыг шаардсан. Өнгөрсөн бямба гаригт шуурхай 3 бригадтай ирж цутгалт хийх хэв хашмалыг нь хурааж авсан боловч ажлаа зогсоолгүй үргэлжлүүлж байна хэмээн мэдэгдсэн. Тэрбээр мөн, Геодези, усны барилга байгууламжийн газар /ГУББГ/ нь үерийн хамгаалалтын барилга байгууламжийн бүрэн бүтэн байдлыг хангаж хамгаалдаг, Гамшгаас хамгаалах талаар хуулиар хүлээсэн үүрэгтэй мэргэжлийн байгууллага. Гамшгийн эрсдэлээс хамгаалах зорилгоор байгуулсан барилга байгууламжийг эвдэж гэмтээсэн, эсхүл зориулалтыг дур мэдэн өөрчлөх, бохир болон бусад шугам холбох нь хуулиар хатуу хориотой байдаг учир үйл ажиллагааг нь албадан зогсоолоо” хэмээсэн.
+ There are no comments
Add yours