Үнэт эдлэл, гар утасны хулгайчийг саатуулав

Өвөрхангай аймгийн Хархорин сум  “Ганган Орхон” багийн нутаг дэвсгэрт байрлах “Манлай-Тод” захаас монет болон мөнгөн эдлэл, мөн 70 орчим гар утас хулгайлсан этгээдийг цагдаагийн алба хаагчид ээлжит үйлдэл дээр нь баривчилсан байна.  Тус аймгийн цагдаагийн газраас аймгийн зах, худалдааны төвүүдээр үнэт эдлэл, гар утас хулгайлдаг этгээд их хэмжээний хохирол учруулаад байгаа талаар Цагдаагийн ерөнхий газарт ирүүлсэн байна. Энэ дагуу 2018 оны  есдүгээр сарын 5-наас 9 дүгээр сарын 6-нд шилжих шөнө Нийслэлийн цагдаагийн газрын Хулгайлах гэмт хэрэгтэй тэмцэх хэлтсийн алба хаагчид сэжигтэн этгээдийг дайчлан баривчилсан байна.  Уг хэргийг нийслэл хотод орших суух хаягтай 30 настай Б үйлдсэн болохыг тогтоон шалгалтын ажиллагаа үргэлжилж байгаа аж. Хэрэгт холбогдон шалгагдаж байгаа этгээд нь дээрэм болон хулгайлах төрлийн гэмт хэрэгт өмнө нь хэд хэдэн удаагийн ял шийтгэл эдэлж байсан этгээд болох тухай холбогдох эх сурвалж өгүүллээ.