Нийслэлийн Баянзүрх дүүргийн 10, 19 дүгээр тойрогт орон нутгийн сонгууль нөхөн зохион байгуулагдахаар болж, нийслэлийн Сонгуулийн хорооноос Баянзүрх дүүргийн сонгуулийн хороог байгуулан ажиллаж эхлэсэн. Гэтэл дүүргийн Иргэдийн төлөөлөгчдийн хурлаас шинээр байуулагдсан дүүргийн сонгуулийн хороог “сонгууль зохион байгуулах эрх бүхий субъект биш” гэж үзэж буйгаа мэдэгдэж, маргаан үүсгэсэн байна.
Ингээд нийслэлийн Захиргааны хэргийн анхан шатны шүүхээс холбогдох маргааныг эцэслэн шийдвэрлэх хүртэл дээрх тойргуудад дахин сонгууль явуулах тухай тогтоолыг түдгэлзүүлсэн шийдвэр гаргажээ. Тиймээс 2018 оны 10 дугаар сард болохоор бэлтгэгдэж байсан Баянзүрх дүүргийн 10, 19 дүгээр тойрогт явагдах байсан орон нутгийн нөхөн сонгууль хэдээ болох нь тодорхойгүйгээр түдгэлзсэн байдалтай байна.
+ There are no comments
Add yours